-13 °С
Болотло
TelegramТестарVKOK
Бөтә яңылыҡтар

Икмәк – бөйөк хазинабыҙ

Ташбулаттағы «Шатлыҡ» балалар баҡсаhының (мөдире – Айгөл Рафаэль ҡыҙы Ишкилдина) «Ҡолонсаҡ» төркөмөндә «Икмәк – бөйөк хазина» тип исемләнгән кисә үтте.

Уны төркөм тәрбиәсеһе Лилиә Әхмәт ҡыҙы Рәхмәтуллина, музыкаль етәксе Ғәмбәриә Зәйтүн ҡыҙы Усманова бик ҡыҙыҡлы, үҙенсәлекле итеп әҙерләгәйне.
Матур кисәне кескәйҙәрҙең икмәк, уңыш алыуға бәйле шиғырҙары, йырҙары, бейеүҙәре тулыландырып ебәрҙе. Әсәйҙәр ярҙамы менән әҙерләнгән бойҙайҙан ҡамыр ризыҡтары, берҙән, йәм булһа, икенсе яҡтан, өйрәнеп-белеү йәһәтенән – күргәҙмә материал. «Икмәк – бөйөк хазина» кисәһе ҡыҙҙар һәм малайҙарға бойҙайҙың икмәк булғанға тиклем оҙайлы юл үткәнен, уның ни тиклем ҡәҙерле икәнен төшөнөргә ярҙам итте.
Был сара тәрбиәүи йәһәттән үҙ маҡсатына иреште.
Зөлфирә ҠАРАҒУЖИНА-МОРАТШИНА.
Әбйәлил районы.
Читайте нас в