Йылдағыса, беҙҙең Таһир Күсимов исемендәге гимназия ла унан ситтә ҡалманы.
Олимпиада һынауы өс турҙа үтте. Һуңғыһында «түңәрәк өҫтәл» артында профессор, уҡытыусылар, уҡыусылар ҡатнашлығында фекер алышыу бик ҡыҙыу барҙы. Был бәйгелә беҙҙекеләр ҙә һынатманы. Унда башҡорт теле һәм әҙәбиәте уҡытыусыһы Альбина Ринат ҡыҙы Мулләхмәтова етәкселегендә ҡатнашып, призёр исеменә лайыҡ булдыҡ. Уңыш, әлбиттә, еңел бирелмәне, бында ҡатнашыусылар береһенән-береһе белемле, көслө ине. Беҙҙең тырышлығыбыҙ, ныҡышлығыбыҙ бушҡа китмәне.
Төбәк-ара бәйгене үткәреүгә мәғариф һәм фән министрлығы хеҙмәткәрҙәре, күпме тел белгестәре, башҡорт теле һәм әҙәбиәте уҡытыусылары көс һалды. Уларға һәм ситтән тороп ҡатнашыусыларға, ошо олимпиаданы ойоштороусыларға ҙур рәхмәтемде белдерәм.
Ләйлә ИШБАЕВА, йәш хәбәрсе.
Асҡарҙағы Таһир Күсимов исемендәге гимназия.