+12 °С
Ямғыр
Бөтә яңылыҡтар
Беҙгә килгән хаттарҙан
19 Февраль 2021, 16:07
Һигеҙенселәр еңеп сыҡты
Районыбыҙҙа хәрби-патриотик айлыҡ иғлан ителеү менән мәктәбебеҙҙә тематик ярыштар, бәйгеләр, конкурстар үткәрелә башланы.
Урыҫ һәм башҡорт телдәре буйынса практика үтеүсе Гөлфиә Муса ҡыҙы VI – VIII синыфтар өсөн «Һалдаттар – ил һағында» тип исемләнгән шаяндар, тапҡырҙар, зирәктәр клубы уйынын ойошторҙо. Был сараға һәр кем етди итеп әҙерләнгәйне. Командалар темаға ярашлы исем, девиз, йыр һайланы. Конкурстар төрлө һәм ҡыҙыҡлы булыуы менән беҙгә бик оҡшаны. Ә шулай ҙа «Мина баҫыуында», «Иң бәләкәс хат», «Янғын һүндереүсе» тигәндәре бигерәк тә күңелгә хуш килде. Егеттәр һәм ҡыҙҙар үҙҙәренең ҡыйыулығын, таҫыллығын, етеҙлеген күрһәтә алды.
Әлбиттә, ярыш булғас, еңеүсеһе лә була. Беренсе урынды һигеҙенселәр яуланы, ә VII һәм VI синыфтар II, III урындарҙы бүлеште. Уйын барышын жюри ағзалары – Гөлүзә Насирова һәм мин баһаланым. Беҙҙең фекерҙәр менән барыһы ла килеште.
Ошондай ярыш-уйындар бик тә кәрәкле. Сөнки ҡыҙҙар, егеттәр кеше араһында үҙен тоторға, сығыш яһарға өйрәнә. Бындай сараларҙы киләсәктә тағы ла үткәрергә ниәтләп, ҡыуанышып таралыштыҡ.
Айлина КҮСӘРБАЕВА.
Баймаҡ районы, Ҡаратал мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж