+12 °С
Облачно
Беҙгә килгән хаттарҙан
17 Декабря 2021, 09:35
Ярыш сәмле үтте
«Алтынды эҙлә таштан – аҡылды эҙлә баштан» тигән әйтем бар. Бына ошо ҡанатлы һүҙҙәрҙең асылына баш ҡаланың 3-сө гимназияһының IV «Г» синыфы уҡыусылары тағы бер ҡат инанды. Ә «Башҡорт теле көнө» марафонында «Башҡорт теле – аҡыл теле» девизы менән үткән «Йондоҙло сәғәт» быны тулыһынса иҫбатланы.
Ярыш сәмле үтте
Балалар үҙ синыфындағы башҡорт телен иң яҡшы белгән уҡыусыларҙы һайлап, ике команда төҙөнө. Ҡыҙҙарҙың – «Сулпылар», малайҙарҙың «Аҡбуҙат» командаһы араһында бәйге бик сәмле барҙы. Әйтергә кәрәк, бында башҡорт телендә алған белемеңде иҫбатларға кәрәк бит. Көйәрмәндәр ҙә тик ултырманы, үҙ командаһы өсөн «Башҡортостан» һүҙенән яңы һүҙҙәр уйлап яҙҙы. Һәр бер дөрөҫ яуап өсөн командаларға йондоҙҙар өҫтәлеп кенә торҙо. Бер команда ла бирешергә теләмәне. Шулай ҙа «Аҡбуҙат»тар 17:16 иҫәбе менән еңеү яуланы.
Был бәйге балаларға бик оҡшаны. Минеңсә, ул уҡыусыларҙа ярыш сәме генә түгел, ә башҡорт теленә тағы ла нығыраҡ ҡыҙыҡһыныу уятҡандыр, тип уйлайым.
Зөлхизә СӘЙЕТОВА,
башҡорт теле һәм әҙәбиәте уҡытыусыһы.
Өфө ҡалаһы.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
