Беҙҙең 47-се балалар китапханаһында ла Яңы йыл биҙәүестәре – уйынсыҡтар, ялтырауыҡтар, ҡар бөртөктәре эшләү буйынса оҫталыҡ дәрестәре үтә. Бында балалар ҙур ҡыҙыҡһыныу менән тылсымлы ҡар бөртөктәре яһап, уларҙы ялтыр төҫтәргә буяй. Биҙәктәрҙең һәр береһе төрлө-төрлө, ҡабатланмаҫ, үҙенсәлекле килеп сыға. Ижади эш барышында кескәйҙәр бер-береһе менән байрам алды шатлыҡтары, Ҡыш бабайҙан ниндәй бүләк көтөүҙәре хаҡында ла серләшә.
Фидалиә КӘРИМОВА, Айгөл ЙӘҺҮҘИНА китапханасылар.
Өфө ҡалаһы.