Байрам алдынан китапханабыҙҙағы «33 уй-хыял»түңәрәгендә Яңы йыл тылсымсыһына хат яҙып ҡараныҡ. Китапханасы Ҡыш бабайҙың Бөйөк Устюгта йәшәүен, уның йорто эргәһендә балалар хаттары өсөн айырым бина төҙөлөүе тураһында һөйләне.
Китапханабыҙға ҡунаҡҡа Ҡыш бабай үҙе лә килгәйне. Ул ҡышҡы әкиәттәрҙе хәтергә төшөрөп, викторина ойошторҙо. Матур байрамыбыҙ «Ҡар бабай-хат ташыусы» йәнһүрәтен ҡарау менән тамамланды.
Римма ГӘРӘЕВА,
48-се балалар китапханаһы мөдире.
Өфө ҡалаһы.