+28 °С
Болотло
Беҙгә килгән хаттарҙан
2 Март 2022, 04:40
Уның кеүек булғым килә
Атайым Баймаҡ районының таланттарға бай Муллаҡай ауылында ишле ғаиләлә тыуған. Ул туғыҙынсы, төпсөк малай булһа ла, бер ҙә иркәләнеп түгел, ә ағай-апайҙарынан күреп, эшкә өйрәнеп үҫкән. Мәктәптә уҡығанда саңғы ярыштарында, төрлө сараларҙа әүҙем ҡатнашҡан. Ҡолсора мәктәбен 1988 йылда тамамлап, ДОССАФ-та шофёрға уҡып, 1989 йылдың 25 май көнөндә әрме сафына алына. Ул үҙенең гражданлыҡ бурысын сик һаҡлаусылар ғәскәрендә үтәй.
Уның кеүек булғым килә
Хәҙер ҙә атайым хеҙмәт иткән йылдарын һағынып иҫкә ала. Ул беҙгә шул саҡтарҙа булған хәл-ваҡиғалар тураһында һөйләй. Беләһәгеҙме, атайым әрме сафтарында ике йыл эсендә егерме ете сик буйын боҙоусыны тотоуҙа ҡатнашҡан. Тыуған ил алдындағы хеҙмәте өсөн уларҙың отряд начальнигы, полковник Егоров 1991 йылдың 28 майында «СССР дәүләт сиген һаҡлауҙа өлгөлө хеҙмәте өсөн» миҙалы менән бүләкләнеүе тураһында әйткән. Ҡыҙғанысҡа ҡаршы, миҙал атайымдың ҡулына килеп етмәгән.
Әлеге ваҡытта ул матур Ҡуянтау ауылында татыу ғаиләгә баш булып, беҙгә үрнәк күрһәтеп, арымай-талмай донъя көтә. Минең уның кеүек булғым килә.
Артём ӘХМӘТҠУЖИН,
X синыф уҡыусыһы.
Баймаҡ районы,
Ҡуянтау мәктәбе.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
