Һай, Ғафуриҙың ҡыҙҙары!

Гимназияның VIII «Б» синыфы ҡыҙҙары:

— Бейеүсе бала һәр ваҡыт тормошто ярата, сәнғәткә үлеп ғашиҡ була, халҡыбыҙҙың йыр-моңон, тарихын өйрәнә, ғөрөф-ғәҙәтен, телен,
мәҙәниәтен ихтирам итә, күп уҡый, тәрбиәле һәм күҙәтеүсән дә була.
Бына беҙҙең ҡыҙҙарыбыҙ Регина Әхмәтшина, Алтынай Баймырҙина, Наҙгөл Зәйнуллина, Алтынай Ҡунафина, Миңгөл Садыҡова, Гөлфиә Салауатова, Ирина Хәсәнова, Камила Зәйнуллина  бейеү тормошонда ҡайнап йәшәй. Улар етәкселәре Айгөл Фәрит ҡыҙы Буранова менән бергә ихлас бейеү серҙәренә өйрәнә. Һәр сарала әүҙем ҡатнашып, конкурста һәр ваҡыт беренселекте яулайҙар. Етәксебеҙгә һәм ҡыҙҙарыбыҙға артабан да ҙур уңыштар теләйбеҙ, — тип яҙалар беҙгә.

Афарин, ҡыҙҙар! Уңыштар һеҙгә, алда тағы күп енеүҙәр яуларға яҙһын!

Фото: vk.com