Байрам алдынан балалар һебә йыйҙылар. Нисегерәкме? Ауылда өй беренсә йөрөп, һабантуйға бүләк хәстәрләне улар. Һебә йыйыусыларға тәрбиәселәр, уҡытыусылар, балалар таҫтамал, яулыҡ, ҡулъяулыҡ кеүек төрлө бүләктәр тапшырҙы.
Байрамдың төп өлөшөн башҡорт халҡының төрлө милли уйындары биҙәне. Ҡалаҡҡа йомортҡа һалып, тоҡ кейеп йүгереү, күҙ бәйләп бүләк алыу, көршәк ватыу, таяҡ менән «ат сабышы» һәм башҡа ярыштарҙа барыһы ла ихлас ҡатнашты.
Бына тантаналы мәл етте. Иң әүҙемдәр, иң етеҙҙәр бүләктәр алып һөйөндө.
Был матур көндөң хәтирәләре уҡыусыларҙың күңелен оҙаҡ йылытып торор әле.
Нурзилә ЙӘНТУРИНА.
Хәйбулла районы.