Унда районыбыҙҙан һигеҙ уҡыусы барҙыҡ. Беҙҙе «Энергетик» балалар лагерына урынлаштырҙылар. Барған көндө Ҡыш бабай, Ҡарһылыу менән төрлө уйындар уйнап, йырлап-бейеп күңел астыҡ.
Ә бына икенсе көндө «Башҡортостан» дәүләт концерт залында әкиәт геройҙары менән күңелле тамаша көтә ине. Әкиәт донъяһына килеп эләккәндәй хис иттек үҙебеҙҙе. Кемдәр менән генә менән аралашып, фотоға төшмәнек! Ә инде сәхнәләге тамашанан һуң тылсым донъяһы барлығына тағы бер тапҡыр инандыҡ.
Был көндө фильм да ҡараныҡ, беҙҙең өсөн юл ҡағиҙәләренә арналған күңелле, фәһемле дискотека ла ойошторолдо.
Лагерь хеҙмәткәрҙәренә тәмле аштары, яҡты йөҙҙәре өсөн рәхмәт әйтеп, эсе тулы тәмлекәс һәм бүләктәре булған биштәрҙәребеҙҙе алып, инде яҡын дуҫтарыбыҙға әйләнгән ҡыҙҙар һәм егеттәр менән аралашып торорға һүҙ ҡуйышып, тыуған яҡтарыбыҙға таралыштыҡ.
Баш ҡалала үткән көндәрем мәктәп йылдарының матур бер иҫтәлеге булып, күңелемдә мәңге уйылып ҡаласаҡ.
Яҙгөл СӘЙФУЛЛИНА, VII «А» синыфы уҡыусыһы.
Хәйбулла районы, Аҡъярҙағы 2-се мәктәп.