Шәүрә Миңлеғәле ҡыҙы ҡурсаҡтың төрҙәре тураһында бик бай мәғлүмәт бирҙе. Ҡурсаҡ уйынының файҙаһы тураһында һөйләне. Ә Миләүшә Шаһибал ҡыҙының серле һандығында ниндәй генә төрҙәре юҡ ине! Туҙҙан, һөйәктән, йүкәнән эшләнгән ҡурсаҡтарҙы балалар ҡыҙыҡһынып ҡараны. Уларға төрлө ҡупшы күлдәктәр, хатта сәңгелдәк тә һыйған!
Ә бына I - IV синыф ҡыҙҙары килгән ҡунаҡтарҙы үҙҙәренең ҡурсаҡтары менән таныштырҙы. Бишек йырҙары йырлап күрһәттеләр. Шулай уҡ ата-әсәләре ярҙамында эшләгән сәңгелдәктәре менән дә таныштырҙылар.
Ҡыҙҙарыбыҙҙы милли уйындарға, йолаларға таянып тәрбиәләгәндә киләсәгебеҙ ышаныслы һәм өмөтлө булыр, тип уйлайбыҙ.
Зилә АБДУЛЛИНА.
Йылайыр районы, Юлдыбай ауылы.