Азалиә Әүхәҙиева VIII «Б» синыфында уҡый. Төрлө түңәрәктәргә йөрөргә лә өлгөрә. Матур итеп һүрәт төшөрә, шиғырҙы оҫта һөйләй. Бына әле яңыраҡ линейкала уға бер юлы дүрт Маҡтау ҡағыҙы тапшырылды. Тәүгеһен волейбол буйынса XXV спартакиадала ҡатнашып, командала иң шәп уйынсы булараҡ алды. Инглиз теле аҙналығында ла һынатмаған, фотоквеста I урынға сыҡты. VII – VIII синыфтар араһында уҙғарылған «Гвардиясы» хәрби-спорт ярышында ла беҙҙең Азалиәгә етеүсе булманы. Ә «Дуҫтар, беҙҙең союз матур» республика Пушкин фестиваленең «Художестволы ижад» номинацияһында өсөнсө урын яулап, остазы Оксана Владимировна Савинцеваны һөйөндөрҙө.
Уҡыусыма алдағы көндәрендә лә гел уңыштар юлдаш булыуын теләйем.
Рәйсә ИСЛАМҒОЛОВА, синыф етәксеһе.
Ауырғазы районы, Талбазы лицейы.