Башҡортостан Башлығы Радий Хәбировтың Указына ярашлы, Башҡортостандың беренсе Президенты Мортаза Ғөбәйҙулла улы Рәхимовтың исемен мәңгеләштереп, яңыраҡ был уҡыу йортона уның исеме бирелгәйне. Ошо уңайҙан республикабыҙҙың Фән һәм мәғариф министрлығы быйыл беренсе тапҡыр «Рәхимов уҡыуҙары» фәнни-ғәмәли конференцияһын ойоштороп, уны Бөйөк Ватан һуғышында Еңеүҙең 78 йыллығына һәм Рәсәйҙә иғлан ителгән Педагог һәм остаз йылына бағышланы.
Гимназиябыҙ уҡыусыларының сығыштары баһалама комиссияһы тарафынан юғары баһаланды. VIII «А» синыфынан Аделина Хужинаның (етәксеһе – башҡорт теле һәм әҙәбиәте уҡытыусыһы Гөлсәсәк Ҡылысова) фәнни эше еңеүсе тип танылды. Шулай уҡ X «В» синыфынан Эльвина Ғәббәсова (етәксеһе – башҡорт теле һәм әҙәбиәте уҡытыусыһы Гөлсәсәк Ҡылысова), VII «Г» синыфынан Искәндәр Мөхәмәтйәнов (етәксеһе – башҡорт теле һәм әҙәбиәте уҡытыусыһы Рәсимә Алламоратова), IX «Б» синыфынан Әҙилә Юлдашбаева (етәксеһе – башҡорт теле һәм әҙәбиәте уҡытыусыһы Римма Тимербулатова), IX «Г» шайморатовсылары Ғәлинур Дәүләтбаев, Арыҫлан Ҡорамшиндар (етәкселәре – тәрбиәсе Рим Ғәббәсов, башҡорт теле һәм әҙәбиәте уҡытыусыһы Римма Тимербулатова) «Рәхимов уҡыуҙары» республика фәнни-ғәмәли конференцияһының призёрҙары булды. Уларға диплом менән бүләктәр тапшырылды.
Әмилә Ғөбәйҙуллина, IX «Г» синыфы уҡыусыһы.
Өфө ҡалаһы, Рәми Ғарипов исемендәге 1-се республика
башҡорт интернат-гимназияһы.