+28 °С
Болотло
Беҙгә килгән хаттарҙан
23 Август 2023, 13:00
Аҙналыҡ файҙалы үтте
“Әкиәт” балалар баҡсаһында “Һаулығым” аҙналығы шаулап-гөрләп үтеп тә китте. “Алтын балыҡ” төркөмө кескәйҙәре төрлө мауыҡтырғыс һәм файҙалы уйындар уйнаны, яратҡан әкиәт геройҙары менән сәйәхәттә үҙҙәренә яңы кәрәкле мәғлүмәт алды.
Аҙналыҡ файҙалы үтте
Һаулығым – ҙур байлығым,
Быны мин яҡшы беләм.
Һау-сәләмәт булғас, көн дә
"Әкиәт"кә йүгерәм!
Көтөп тора йылмайышып
Унда ихлас апайҙар.
Беҙгә белем, тәрбиә бирә,
Һөйөп, наҙлап ҡарайҙар.
Күп мәғлүмәт алдыҡ беҙ
"Һаулыҡ"аҙналығында.
Һис кенә лә бирешмәҫбеҙ
Витаминдар булғанда.
Йәшелсәләр шаулап үҫә
Беҙ үҫтергән түтәлдә.
Ҡыяр, кишер, кәбеҫтәһе
Килеп ята өҫтәлгә.
Хәрәкәтле уйындар
Сыныҡтыра, дәрт бирә.
Татыу ҡыҙҙар, малайҙар –
Быға тағы ни етә?
Һау-сәләмәт булғас, беҙ
Шаярабыҙ, көләбеҙ.
Дуҫтарҙы йәнә һағынып,
"Әкиәт"кә киләбеҙ.
Гүзәлиә ДӘҮЛӘТБИРҘИНА,
"Әкиәт” балалар баҡсаһы тәрбиәсеһе.
Сибай ҡалаһы.
Аҙналыҡ файҙалы үтте
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
