Яратҡан бесәйем

Ата бесәй, тип әйткәстәр, беҙ үҙенә Зефир тип исем ҡушҡайныҡ. Яңыраҡ ҡына белеп ҡалдыҡ: инә бесәй булып сыҡты. Шунан инде Зефиркаға әйләнде лә ҡуй­ҙы. Исеме есеменә тап ки­лә, сөнки төҫө ап-аҡ ҡына.
Шулай ул – беҙгә, беҙ уға өйрәнеп киттек. Кескәй са­ғында күҙҙәре күк төҫтә ине, ә хәҙер йәшел. Зефирканың эрзинкә уйынсыҡтары күп. Беҙҙең менән уйнарға әүәҫ ул. Бигерәк тә төнгә ҡарай шашып алыу­сан. Тышта ла йөрөргә ярата. Мәктәптән ҡайтыуы­быҙҙы ишек төбөндә үк көтөп ултыра.
Бесәйҙәр үҫә килә һөт эсмәй башлай икән. Беҙҙеке лә шулай булды. Ә инде иң яратҡан ризығы – балыҡ.
Зефирка – тәртипле бесәй. Уны бөтәбеҙ ҙә иркә­ләтәбеҙ, йыш ҡына ҡулдан төшмәй. Тағы бер ирмәк хол­ҡо бар: ҡумта, калуш йә күнәк кеүек төрлө әйберҙәр эсенә инергә ярата. Акробат һымаҡ бейек баҫ­ҡыстар, турник буйлап йөрөй. Өйҙә булһа, тәҙрә төбөндә ултырып урамды кү­ҙәтә. Ә яуым-төшөмлө көндә ҡапыл тыш­ҡа сығып китеүе лә бар. Шунан Зефир­кабыҙҙы еүеш тәпәйҙәре менән иҙән тапарға ҡуш та ҡуй инде...
Мәктәптә саҡта беҙ уны һағынып өлгөрәбеҙ һәм өй­гә ашҡынып ҡайтабыҙ. Яратҡан бесәйебеҙ көтә бит.

Камилә МӘХМҮТОВА.
Учалы районы, Бәләкәй Ҡаҙаҡҡол ауылы.