+28 °С
Болотло
Беҙгә килгән хаттарҙан
7 Март 2025, 11:10
Беҙҙә – “Йәгеҙ әле, ҡыҙҙар!” конкурсы
8 Март байрамын бигерәк тә ашҡынып гүзәл заттар көтәлер, моғайын. Минең өсөнсөләрем дә байрамға матур итеп әҙерләнде.
Беҙҙә – “Йәгеҙ әле, ҡыҙҙар!” конкурсы
Әсәй-өләсәйҙәргә ҡотлау открыткалары эшләү, йырҙар, шиғырҙар өйрәнеү, махсус гәзит сығарыу кеүек эштәре менән көн артынан көн уҙа торҙо.
Бөгөн, ниһайәт, ҡыҙҙар-йондоҙҙарыбыҙға малайҙар менән “Йәгеҙ әле, ҡыҙҙар!” конкурсы уҙғарҙыҡ. Балаларҙың шат тауышы, ярыш сәме, күңелле бәхәстәр менән гөрләп торҙо синыф бүлмәбеҙ! Бигерәк теремек, йылғыр, өлгөр, тырыш ҡыҙҙар уҡый беҙҙең синыфта.
Сәмле ярыш мәлендә “Сәскәләр” менән “Йондоҙҙар” командалары бар яҡтан да оҫта булып сыҡты. Һөҙөмтәлә, дуҫлыҡ еңде!
Розалиә ЙӘЛИЛОВА, башланғыс синыфтар уҡытыусыһы.
Ауырғазы районы, Рәшит Назаров исемендәге Талбазы башҡорт гимназияһы.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
