Ҡыш бабайға хат яҙҙыҡ

 Барыһы ла  изге теләктәрен ихлас аҡ ҡағыҙға яҙырға тырышты. Ысынлап та, һәр хәбәр үҙенсәлекле булып сыҡты — уҡыусылар хыялланған бүләктәрен генә түгел, ә Санта Клаусҡа уҡыуҙа уңыштары, үткән йылда башҡарған изге эштәре хаҡында һәм киләсәккә пландары менән уртаҡлашты. Күптәр Яңы йыл мөғжизәһенә лайыҡ булыу өсөн тыңлаусан булырға, ата-әсәләргә ярҙам итергә һәм синыфташтарға ихтирам күрһәтергә тырышырға кәрәк, тип билдәләне.
Айырыуса хәрефтәр һәм конверттың  тышына ла ҙур иғтибар бүленде: балалар уларҙы сағыу итеп буяп, ҡар бабайҙы, шыршы, ҡар бөртөктәре һәм Ҡыш бабай һүрәтен төшөрҙө.
Сара  бик матур үтте. Был акция балаларҙың яҙыу һәләтен, фантазияһын үҫтереүгә, шулай уҡ изгелек, тоғролоҡ һәм тылсымға ышаныу ҡиммәттәрен формалаштырыуға ҙур өлөш индерә. Балаларға ла ныҡ оҡшаны.

Айгөл ҺАТЛЫҠОВА, башланғыс синыф уҡытыусыһы.