-16 °С
Болотло
Бөтә яңылыҡтар
Беҙгә килгән хаттарҙан
10 Март , 09:42
Стратегик сессия үтте
Рәсәй халыҡтары берҙәмлеге йылы һәм Башҡортостан Республикаһында Ҙур һәм татыу ғаилә йылы айҡанлы Иҫке Собханғол мәктәбендә төрлө мәктәптәрҙән тәрбиә эше буйынса директор урынбаҫарҙары, кәңәшселәре, социаль педагогтар, уҡытыусылар өсөн «Берҙәмлектә – көс» исемле стратегик сессия үткәрелде.
Стратегик сессия үтте
Был күләмле сара ун тиҫтәгә яҡын ҡатнашыусыны берләштерҙе. Сессияның төп өлөшөндә муниципаль район методик хеҙмәте етәксеһе Илүзә Зиннур ҡыҙы Ырыҫбаева сығыш яһаны һәм осрашыуҙың төп маҡсатын билдәләп үтте. Артабан ҡатнашыусылар 3 тематик майҙансыҡта эшләне. Һәр майҙансыҡта берҙәмлек темаһы буйынса 2026 йылда белем биреү ойошмаларында үтәсәк проекттар хаҡында һүҙ барҙы.
Буласаҡ саралар йәш быуында Ватанға һөйөү тәрбиәләүгә, илебеҙ халыҡтарының берҙәмлеген нығытыуға булышлыҡ итәсәк. Төрлө милләттәрҙең туған телен, йолаларын, ғөрөф-ғәҙәттәрен, тарихын, мәҙәниәтен өйрәнеү, һаҡлауға йүнәлтелгән сессияның алдағы көндәрҙә үҙ һөҙөмтәләрен күрһәтәсәгенә ышаныс ҙур.
Сәйҙә СӘЙӘХОВА.
Бөрйән районы.
Стратегик сессия үтте
Новости партнеров
Гәзитебеҙ - дуҫыбыҙ
Хикәйәләр
Фильмдар
Күңелдәрҙең иләҫ-миләҫ сағы