Иҫтәлекле көн булды

Китапхана хеҙмәткәрҙәре беҙҙе милли кейемдә ҡаршы алды. Улар республикабыҙҙа йәшәгән халыҡтарҙың традицион кейемдәренең төрлөлөгө менән таныштырҙы. Шулай уҡ уларҙың үҙенсәлектәре һәм айырым элементтарҙың әһәмиәте тураһында һөйләнеләр. Сара аҙағында  төрлө милли уйындарҙа ихлас ҡатнаштыҡ. Беҙ уйындар аша  ғөрөф-ғәҙәттәр һәм йолалар хаҡында нығыраҡ белдек.
Район балалар китапханаһы хеҙмәткәрҙәренә төрлө халыҡтарҙың мәҙәни мираҫы менән танышыуҙы мауыҡтырғыс форматта үткәреүҙәре өсөн рәхмәт һүҙҙәрен белдерәбеҙ. Киләсәктә лә милли кейемдәребеҙ йәшәһен, һәр кем үҙ халҡының мәҙәниәтен һаҡлаһын, киләсәк быуындарға тапшырһын.

III синыф уҡыусылары.

Ауырғазы районы,

Рәшит Назаров исемендәге Талбазы башҡорт гимназияһы.