Татыулыҡҡа ни етә!

Башта китапханасылар уҡыусыларға китаптар, сағыу иллюстрациялар, милли биҙәүестәр ҡуйылған бай күргәҙмә тәҡдим итте. Улар Башҡортостанда быуаттар дауамында төрлө милләт вәкилдәренең – башҡорттарҙың, урыҫтарҙың, татарҙарҙың, сыуаштарҙың, мариҙарҙың һәм башҡаларҙың татыу йәшәүе хаҡында һөйләне.

Милли кейем ябай сепрәк кенә түгел. Халыҡтың данлы үткәнен, оло тарихын күрһәткән дәлил дә ул. Балалар осрашыуҙа төрлө милләт ҡатын-ҡыҙҙарының кейемдәре менән танышты: мәҫәлән, башҡорт селтәре, татар ҡалфағы, урыҫ сарафаны. Ҡыҙҙар һәм малайҙар кейемдәге ҡабатланмаҫ биҙәктәрҙең мәғәнәһенә төшөндөләр, тәңкәле биҙәүестәрҙе тотоп ҡаранылар. Сара бик күңелле үтте.

Әлиә НИҒМӘТУЛЛИНА,

22-се моделле балалар китапханаһы хеҙмәткәре.

Өфө ҡалаһы.