+15 °С
Ямғыр
TelegramVKOK
Бөтә яңылыҡтар

Республика Башлығы ла пионер саҡтарын һағынып хәтерләй

Бөгөн, Пионер ойошмаһының барлыҡҡа килеүенә 100 йыл тулыу уңайынан Республика Башлығы Радий Хәбиров та үҙенең пионерлы бала сағын иҫкә алды, тәьҫораттары менән уртаҡлашты. Был хаҡта «Башинформ» мәғлүмәт агентлығы хәбәр итә.

— Мәктәп йылдарында барыбыҙ ҙа пионер булдыҡ, беҙҙе шундай ҙур, татыу ойошма берләштереүенә ҡыуана инек. Пионер галстугын да яратып, ғорурланып таҡтыҡ.

Пионер булыу — беҙҙе тәртипкә өйрәтте, сыныҡтырҙы, тәүге тормош һынауҙарын еңеп сығырға көс бирҙе, үҙ-үҙебеҙгә ышаныс, ҡыйыулыҡ өҫтәне. Ул бәхетле йылдарҙы һәр ваҡыт һағынып хәтерләйем, — тигән ул.

Тыуған илде һөйөргә, белемле, намыҫлы, ярҙамсыл, кешелекле, кеселекле булырға, үҙ-ара дуҫ-татыу йәшәргә өйрәткән, һәр эшкә әҙер булырға өндәгән был ойошма, ысынлап та, пионер булған һәр кемдең күңелендә матур бер иҫтәлек булып һаҡланалыр.

Сығанаҡ һәм фото: rbsmi.ru

Пионер Радий Хәбиров икенсе рәттә уңдан икенсе.
Пионер Радий Хәбиров икенсе рәттә уңдан икенсе.
Автор:Юлиә Кирәева
Читайте нас: