-6 °С
Болотло
Бөтә яңылыҡтар
Беләһеңме?
2 Февраль 2021, 12:55
Иң аҡыллы йәнлектәр
МаймылАҡыллы йәнлектәр исемлегендә маймылдар (шимпанзе) беренсе урында тора. Уларҙың баш мейеһе бик ҡатмарлы һәм ҙур. Ғалимдар әйтеүенсә, маймылды кеше кеүек яҡшы йөҙөргә, бысаҡ, сәнске тотоп та ашарға өйрәтергә була икән.
Фил
Аҡыл буйынса филдәр – икенсе баҫҡыста. Хәтерҙәре бик яҡшы. Көньяҡ Кореяла ғәйәт һәләтле фил йәшәй. Ул хатта һигеҙ һүҙ әйтә алған. Томшоғо ярҙамында рәсем яһаусы филдәре лә бар икән.
Дельфин
Бик көслө интеллектҡа эйә. Баҡтиһәң, аралашыу өсөн был йән эйәләренең бер нисә мең тауыштан торған үҙ телдәре бар.
Эт
Ныҡ аҡыллы, кешенең иң тоғро дуҫы. Ул кеше һөйләменең интонацияларын һәм бойороҡтарын айыра, әйткән һүҙҙәрҙең мәғәнәһен аңлай. Бордер-колли, пудель, алман овчаркаһы, ретривер тоҡомло эттәр иң аҡыллыларҙан һанала.
Бесәй
Был йән эйәләре кешеләрҙе үҙҙәренең яғымлы һәм тыныслыҡ һөйөүсән холҡо менән йәлеп итә. Берәүҙәр хатта бесәйҙәрҙе аҡылдан тыш, экстрасенслыҡ һәләткә лә эйә, тип раҫлай. Йыш ҡына, эт кеүек, хужаһының холҡон яҡшы иҫтә ҡалдыра. Аҡыллы ғына түгел, етмәһә, хәйләкәр ҙә әле улар.
Ҡомаҡ
Ҡомаҡтар бына тигән инстинктҡа, хәйләкәрлеккә эйә. Ғалимдар фекеренсә, уларҙың баш мейеһе төҙөлөшө буйынса кешенекенә бик оҡшаш. Шуға ла бахырҡайҙарҙы лаборатор тикшеренеүҙәрҙә йыш яфалайҙар.
Тейен
Шулай уҡ аҡыллы йәнлектәр исемлегенә ингән улар. Үҙенең феноменаль хәтеренә күрә, тейендәр 2 ай үткәндән һуң сәтләүектең ҡайҙа йәшерелеүен иҫкә төшөрә ала. Фантастика! Уларҙы ҡулдан ашатырға ла өйрәтергә була. Бер тапҡыр һыйлаған кешене иҫтә ҡалдырып, икенсе көндө лә уны эҙләп таныш ергә киләләр.
Фото 1 zoom.ru сайтынан.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж