Ә гәрәбә борон замандарҙа ҡарағайҙарҙың диңгеҙгә ағып төшкән һутынан барлыҡҡа килгән тип фаразлана.
Ул осорҙа ҡояш әлегенән күпкә нығыраҡ ҡыҙҙырған. Ә ҡарағайҙан ағып төшкән сайырға ылыҫ, бөжәктәр кеүек төрлө нәмәләр ҙә йәбешкән. Шуға ғалимдар гәрәбәне тикшереп, унда ҡатып ҡалған һүрәттәр буйынса 100 миллион йылдар элек ерҙәге тормошто, унда ниндәйерәк йән эйәләре йәшәүен дә самалай.
Үтә күренеүсән быяла булмаған саҡта гәрәбә күҙлек, лупалар яһау өсөн файҙаланылған. Ә гректар айырыуса уның тартыу көсө булыуына әһәмиәт биргән. Ысынлап та, гәрәбәне нимәгәлер ышҡыһаң, унда еп, ҡағыҙ киҫәге йәбешеп ҡала.
Фото: www.instagram.com