Әйҙәгеҙ, булмаһа, табип ағастарҙың үҙҙәре менән танышып китәйек.
Ҡайын. Япраҡтары һәм бөрөләре күп төрлө ауырыуҙарға дауа. Мәҫәлән, иртә яҙҙа һыулы вазаға ултыртылған ҡайын ботағы нервы һәм ҡан тамырҙарына файҙалы.
Имән. Кешеләрҙе көслө энергия менән туйындыра. Уның эргәһендә булыу үҙ-үҙеңә ышаныс көсөн, эшләү һәләтен арттыра.
Тирәк. Һауаны автомобиль газдарынан, ағыулы матдәләрҙән таҙарта. Ә йәш тирәк япраҡтары иһә кешене тынысландыра.
Миләш. Һағыш һәм яңғыҙлыҡ билдәһе. Кешегә эске донъяһын аңларға ярҙам итә.
Йүкә. Бик көслө энергияға эйә. Ул йортто бәхетһеҙлектән һаҡлай, тигән ышаныу бар. Шуның өсөн йорт тирәһенә иң беренсе был ағасты ултыртырға тырышығыҙ.
Өйәңке. Кешеләргә битараф ағас. Япраҡтарын ҡурҡмайынса йыйырға була, улар һөйөнөс кенә килтерә, тиҙәр.