Тәүҙә ул аҡ төҫтә булған һәм оҙонлоғо 1 метрға еткән.
Октябрь революцияһынан һуң ҡыҙыл төҫкә алмашынған. 1922 йылда оҙонлоғо 49 сантиметр тәшкил иткән. Әммә ҡыҙыл төҫ урамдағы төҫтәр араһында юғалып ҡалған, шуға уны күптәр күрмәгән. 1930 – 1939 йылдарҙа милицияла таяҡты бөтөнләй файҙаланмағандар. Ул ваҡытта хәрәкәт бик күп булмаған. Шуға ла әлеге таяҡтың юҡлығы ла һиҙелмәгән.
Яңынан ҡулланышҡа индерергә уйлағас, таяҡ өсөн аҡ һәм ҡара төҫ һайланған. Был юҡҡа түгел икән: сөнки кешенең күҙе төрлө төҫтәргә ҡарағанда аҡ менән ҡараға нығыраҡ иғтибар итә. Ҡалған төҫтәрҙең барыһы ла ҡараңғыла һоро кеүек күренә икән. Ә аҡ менән ҡара нисек бар, шул килеш ҡала.