Шахмат буйынса иң тәүге донъя чемпионы. Шуныһы ҡыҙыҡ: иң көслө шахматсы булып 1866 йылда уҡ таныла. Шахмат короле һаналған Адольф Андерсенды ота ул. Ә 20 йыл уҙғас, Йоганнес Цукертортты еңеп, рәсми рәүештә беренсе донъя чемпионы исемен яулай.
Стейниц шахмат тажы өсөн тағы ике матчта Михаил Чигорин һәм Исидор Гунсберг менән осрашыуҙа уңышҡа ирешә.
Эммануил Ласкер (1868 – 1941, Германия). Икенсе донъя чемпионы. XIX быуат аҙағында Стейницты еңә, ә ике йылдан матч-реваншта тағы ла уны ота.
Ласкер 27 йыл буйы шахмат тажын берәүгә лә бирмәй. Тик 1921 йылда ғына Хосе Рауль Капабланканан еңелеп ҡуя.