Уныһының хаҡы ла күпкә арзаныраҡ булырға тейеш. Сифатлы шоколад ауыҙҙа иреп бара, ә өҫтө ялтырап тора. Ҡарамаҡҡа ҡаты күренһә лә, шоколад еңел генә, нисектер сытырлап һына. Шоколадтың өҫтө аҡһыл икән, был дөрөҫ һаҡланмау хаҡында һөйләй.
Был татлы ризыҡ файҙалы ла. Уның составындағы теобромин тигән матдә йүткереүҙән дауалай, кәйеф яҡшырыуға булышлыҡ итә. Кальций менән марганец һөйәктәрҙе һәм нерва системаһын нығыта, антиоксиданттар яман шеш ауырыуы менән көрәшергә ярҙам итә. Өҫтәүенә, шоколад мейенең ижади эшмәкәрлек өсөн яуаплы өлөшөнөң әүҙемлегенә ыңғай йоғонто яһай.
Фото:https://yandex.ru/images/search?text