Иң ҙур океан - Тымыҡ океан.
Рәсәй территорияһында 13 диңгеҙ бар. Ил ҡарамағындағы диңгеҙҙәрҙең дөйөм майҙаны - 7 миллион квадрат метр.
Башҡортостанда бөтәһе 12 мең 725 йылға (унда бәләкәйҙәре лә инә) бар. Күлдәр ике меңдән ашҡан.
Иң ҙур йылғабыҙ - Ағиҙел, ул 1420 саҡрымға һуҙыла. Унан һуң Ҡариҙел килә - 918 саҡрым, Дим йылғаһы - 556 саҡрым, Әй - 549 саҡрым.
Республикабыҙҙа иң ҙур күл - Асылыкүл. Ул Дәүләкән районында урынлашҡан. Унан һуң Ҡандракүл килә.
Тәбиғи булмаған һыуһаҡлағыстар ҙа бар. Уларҙың иң ҙуры - Павловка һыуһаҡлағысы, ул Нуриман районында урынлашҡан. Мәләүез районындағы Нөгөш һыуһаҡлағысы ла ҙур ғына. Ә Күгәрсен районында төҙөлгән Йомағужа һыуһаҡлағысы заманса, матур булыуы менән айырылып тора.