+26 °С
Болотло
TelegramVKOK
Бөтә яңылыҡтар
Беләһеңме?
11 Февраль 2023, 16:45

Шәп йөҙөүсе диңгеҙ ҡошо

Пингвин – осмай торған диңгеҙ ҡошо. Үҙе шәп йөҙә, сума белә. Уларҙың ун һигеҙ төрө бар. Араларында иң ҙуры – император пингвины, буйы – 120 сантиметрға, ә ауырлығы 40 килограмға етә. Иң бәләкәй пингвиндар 2 килограмм 500 грамм тарта.

Шәп йөҙөүсе диңгеҙ ҡошо
Шәп йөҙөүсе диңгеҙ ҡошо

Улар Антарктика ярында, Яңы Зеландия, Австралияның көньяғында, Көньяҡ Америкала, экваторға яҡын Галапагос утрауҙарында йәшәй. Әммә шулай ҙа Антарктикала һәм уға яҡын утрауҙарҙа күберәк осратырға мөмкин. Ҙур-ҙур колонияларға берләшеп йәшәйҙәр.
Башҡа ҡоштарҙан улар һыуға яраҡлашҡан булыуҙары менән айырылып тора. Кәүҙәләре йөҙөү өсөн ныҡ ҡулай, сәғәтенә 10 километр тиҙлек менән йөҙә алалар. Ҡайһы бер төрҙәре 200 метр тәрәнлеккә сумыу һәләтенә эйә. Ә бына ҡоро ярға сыҡҡас, киреһенсә, яй ғына атлап йөрөй­ҙәр. Ошолай тәпәй баҫып атлай алыуҙары менән башҡа ҡанатлы ҡоштарҙан айырылып тора ла инде үҙҙәре. Ҡарлы ерҙән барғанда ҡолап китмәҫ өсөн пингвиндар эстәренә ята һәм ҡанаттары, тәпәйҙәре менән этенеп хәрәкәт итә. Улар балыҡ, ҡыҫала менән туҡлана. Был үҙенсәлекле ҡоштар 25 йылға ҡәҙәр йәшәй ала.

 

Автор:"Йәншишмә" гәзите
Читайте нас: