Викторинаға яуаптар көтәбеҙ!

1. Халыҡ-ара туған телдәр көнө ҡасан, ниндәй ойошма тарафынан иғлан ителгән?
2. Был иҫтәлекле дата ниндәй илдәге ваҡиғалар менән бәйле?
3. Башҡорт алфавитында нисә хәреф бар?
4. 30 тел белгән, Польшала башҡорт телендә диссертация яҡлаған ғалим.
5. 1962 йылда сыҡҡан башҡорт әлифбаһы 30 йылдан ашыу ҡабатлап баҫтырыла, ул ҡайһы ғалимдың төп ғилми хеҙмәте булып тора?
6. Донъяла нисә тел бар? Уларҙың нисәүһе ҡулланылышта?
7. Тартай теленән таба. Урыҫ телендә шуға оҡшаш ниндәй әйтем бар?
8. Донъяла туған тел булараҡ иң киң таралған тел.
9. «Һомай» колонкаһының «атаһы».
10. Башҡорт теленең нисә диалекты бар, һанап сығығыҙ.
11. Башҡорт теле көнө ҡасандан билдәләнә?
12. Туған телде һаҡлау өсөн иң мөһим шарттар. Фекерегеҙҙе яҙығыҙ.
13. «Башҡорт телендә һөйләшәм» йырының авторҙары?
14. Туған тел тураһында ниндәй шиғырҙар беләһегеҙ? Һанап сығығыҙ.
15. Башҡорт телендәге инглиз теленә яҡын өндәр.
16. Башҡортостандың беренсе халыҡ шағиры кем?
17. Уҡыусылар араһында уҙғарылған башҡортса КВН нисек атала?
18. Мөхәмәтша Буранғолов «Урал батыр» эпосын кемдәрҙән яҙып алған?
19. Рәми Ғарипов «Туған тел» шиғырын нисәнсе йылда яҙған?
20. Башҡорттар иң тәүҙә ниндәй яҙма телде ҡулланған?     

Яуаптарығыҙҙы yanshishma02@yandex.ru почтаһына ебәрегеҙ, дуҫтар!