Алдан әйтеп килгәйнек, быйылғы ун беренселәр айырым фәндәрҙән имтихандарҙы юғары уҡыу йортона инер өсөн тапшыра. Ә йәмғиәтте өйрәнеү фәненең һөҙөмтәләре юридик, экономик йүнәлештәге һөнәрҙәрҙе һайлағандар өсөн бик тә мөһим. Әйткәндәй, 31 майҙа химия, урыҫ теле әҙәбиәте, географиянан тапшырған имтихандарҙың һөҙөмтәләре бөгөн генә билдәле булды, барыһы ла яҡшы булыр, Алла бойорһа. Күп ҡалманы инде, сабырлыҡ теләйбеҙ һеҙгә, ҡәҙерле уҡыусылар.