Яҙыусы Нелли Мартова менән осрашыу

«Китап» магазинында китап уҡырға яратыусылар менән төрө саралар уҙғарылып тора. Республиканың билдәле дәүләт һәм йәмәғәт эшмәкәрҙәре, медиа шәхестәре "Китап һөйөүселәр" акцияһында ҡатнашты һәм китап уҡыу тураһында фекерҙәре менән уртаҡлашты. Бынан тыш, рәсми булмаған шарттарҙа аралаша алды, һорауҙарға яуап бирҙе.

Яңыраҡ яҙыусы Нелли Мартова менән осрашыу үтте. Ул үҙенең ижади юлын нисек башланыуы тураһында һөйләне. Әйткәндәй, ул - билдәле яҙыусы Ғариф Ғүмәрҙең бүләсәре. Ижади мөхиттә үҫкән ҡыҙ үҙенең яҙыу һәләтен асырға тырыша. Ә аҙаҡ инде ижадтан туҡтай алмай һәм балалар өсөн баҫмалары бер-бер артлы китаптар булып нәшер ителә.

Нелли Мартова Өфө дәүләт авиация техник университетын тамамлаған, техник фәндәр кандидаты. Сәйәхәт итергә һәм йога менән шөғөлләнергә ярата, ике ул тәрбиәләй.  «Йыл ҡулъяҙмаһы» һәм «Блогбастер» премияһы лауреаты, «Минең дебютым» , «Милли бестселлер» премияһы номинанты. Ул - өлкәндәр һәм балалар китаптары авторы. «Ҡала фэнтезиһы» һәм «Урал магик реализмы» жанрҙарында яҙа.

Балалар Нелли Мартованың Коль һәм Масиандра тураһында мажаралар серияһын бик яратып уҡый.