+17 °С
Ясна
TelegramVKOK
Бөтә яңылыҡтар
Был донъяла ниҙәр бар?
15 Август 2019, 19:01

"Тыуған ил-Әсә саҡыра!" яңыртыла

2020 йылдың 9 майында Бөйөк Еңеүҙең 75 йыллығын байрам итәсәкбеҙ. Ошо айҡанлы Волгоградтағы (Cталинград) Мамай ҡурғанында урынлашҡан «Тыуған ил-Әсә саҡыра!» скульптураһын да реставрациялайҙар.

Белгестәр әйтеүенсә, ундағы ярылған урындарҙы бергә ҡушһаң, 10 километрҙан артып китер. Мөһабәт һындың бейеклеге – 85 метр бит! 1967 йылда Евгений Вучетич проекты буйынса төҙөлгән монумент «Сталинград яуы геройҙарына» һәйкәл-ансамбленең бер өлөшө булып тора.

Тарихтан билдәле булыуынса, Сталинград яуы 1942 йылдың 17 июленән 1943 йылдың 2 февраленә тиклем бара. Бөйөк Ватан һуғышының мөһим, Еңеүгә илтеүсе һынылышлы алыштарының береһе була ул. Күпме ҡан түгелгән… Әйткәндәй, Мамай ҡурғанында 35 меңгә яҡын һалдат ерләнгән.

«Тыуған ил-Әсә» урынлашҡан ер – илебеҙ халҡы һәм, ғөмүмән, тыныслыҡ һөйөүсе кешеләр өсөн иң изге урындарҙың береһе. Төҙөкләндерелгәндән һуң уны барып күреүселәр тағы ла күбәйер әле.
Читайте нас: