-26 °С
Болотло
TelegramТестарVKOK
Арзан хаҡҡа яҙылып ҡалайыҡ!
Бөтә яңылыҡтар
Был донъяла ниҙәр бар?
19 Апрель 2020, 00:55

Вирус бар, әммә билдәләре һиҙелмәй

Рәсәй ҡулланыусылар хоҡуҡтарын күҙәтеү хеҙмәте етәксеһе Анна Попова был аҙнала коронавирусҡа ҡағылышлы шундай мәғлүмәт еткерҙе: беҙҙең илдә COVID-19 вирусы табылған кешеләрҙең 50 процентында сир билдәләре юҡ икән. Уларға медицина ярҙамы кәрәкмәй, әммә ҡәтғи үҙизоляция талаптарын үтәргә һәм табип күҙәтеүе аҫтында булырға тейештәр.

Был ауырыу таралған айырым предприятиеларҙа һәм ҡасабаларҙа үткәрелгән тикшереүҙәрҙән һуң билдәле булған. Шулай уҡ Рәсәйҙә коронавирус йоҡтороусыларҙың күбеһенә 18 - 45 йәш икәнлеге асыҡланған.
Бөгөн был йоғошло сирҙе еңеү - иң мөһим мәсьәлә. Күмәкләп тырышырға кәрәк, тиелә Роспотребнадзор сайтында. Өйҙә ҡалырға, уны таҙа тоторға, туғандар, таныштар менән әлегә телефон аша ғына аралашырға, урамға маскаһыҙ сыҡмаҫҡа, 1,5 - 2 метр социаль аралыҡты һаҡларға, ҡулдарҙы йыуырға, антисептик ҡулланырға - ошоларҙы үтәһәк, үҙизоляция талаптарын боҙмаһаҡ, вирустың ныҡлап таралыуына юл ҡуймаҫбыҙ, ҡәҙимге тормошҡа тиҙерәк ҡайтырбыҙ, Алла бирһә.
Читайте нас в