Ошо өлгөлә күрһәтелгәнсә ғариза яҙып, уны үҙең менән алырға. Паспорт һәм баҡсаңдың документтары ла кәрәк буласаҡ. 25 апрелдән ошо ҡағиҙә буйынса 65 йәштән өлкәнерәк кешеләр ҙә үҙҙәренең баҡсаларына йөрөй ала. Йәмәғәт транспортында, автомобилдә, велосипедта ла барырға мөмкин. Юл өсөн 1 сәғәт ярымдан артыҡ ваҡыт китергә тейеш түгел. Юлда магазинға инеп сығыу ҙа тыйылмай. Бындай ғариза менән баҡсаға йөрөү һаны сикләнмәй.