Бөтә яңылыҡтар
Был донъяла ниҙәр бар?
26 Апрель 2020, 00:17

Марта-Оксананы Голливудҡа саҡырғандар

Кем "Һеңлекәш" ("Сестренка") фильмын ҡараған, Марта Тимофееваны яҡшы белә инде. Оксана ролен бик килештереп уйнаны бит. Башҡортса һөйләшергә лә өйрәнде.

Күптәр яратҡандыр был һәләтле, һөйкөмлө кескәй актрисаны. Беҙҙең шәп башҡорт малайы Йәмил-Арыҫлан Ҡырымсурин менән бик яҡын дуҫтарға әйләнделәр.
Марта 6 йәшенән киноға төшә башлаған. Әле ул 10 йәштә. Был ҡыҙҙы беҙҙең илдә белмәгән кеше һирәктер. "Союз спасения", "Гоголь", "Кровавая барыня" һәм башҡа фильмдарҙа төшкән. Ә яңыраҡ Мартаны Голливудтың яңы бер проектына саҡырғандар. Һәләтле ҡыҙ "Тайное общество мистера Бенедикта" тигән фильмда төп ролдәрҙең береһе Констанс Контреирҙы уйнаясаҡ. Әле коронавирус ҡына хәлдәрҙе тотҡарлап тора.
Әйткәндәй, Марта Тимофеева 9 йәшенә 40 проектта ҡатнашҡан. Ул Мәскәүҙәге бер мәктәптә белем ала. Инглиз теле буйынса курстарға йөрөй. Ҡустыһын ҡараша. Мартаның ата-әсәһе лә - сәнғәт кешеләре. Әммә ҡыҙҙары уларға ҡарағанда ла нығыраҡ танылыу яулаған, буғай.
Читайте нас в