+12 °С
Ямғыр
Бөтә яңылыҡтар
Был донъяла ниҙәр бар?
21 Октябрь 2020, 19:18
Шайморатов генералға һәйкәл ниндәй булыр?
112-cе Башҡорт кавалерия дивизияһы командиры, легендар генерал, Рәсәй геройы Миңлеғәле Шайморатовҡа Совет майҙанында һәйкәл ҡуйыласаҡ. Башҡортостан Республикаһы Башлығы Радий Хәбиров һәйкәлдең иң яҡшы проектына асыҡ конкурс үткәреү тураһында указға ҡул ҡуйҙы. Был мөһим сараны Башҡортостан Башлығының Эштәр идаралығы ойоштора.
Буласаҡ һәйкәлдең бейеклеге - 4,6 метр, ә постаментыныҡы 4 метр буласаҡ, тип билдәләнгән. Бик мөһабәт, матур булмаҡсы. Урыны итеп тә юҡҡа ғына Совет майҙаны һайланмаған: тарихи мәғлүмәттәр башҡорт дивизияһы яугирҙарының фронтҡа тап ошо урындан китеүен дәлилләй. Фотоларҙан күренеүенсә, командир үҙе лә шул ерҙә сығыш яһаған.
Конкурста профессиональ скульпторҙар айырым йәки коллектив менән ҡатнаша ала. Улар һәйкәлдең 40 cантиметрҙан да бәләкәй булмаған өс үлсәмдәге проект моделен тәҡдим итергә тейеш.
Ҡатнашыу өсөн ғаризаларҙы һәм материалдарҙы "Торатау" конгресс-холына, директорҙың ҡабул итеү бүлмәһенә эш көндәрендә 9-ҙан киске 6-ға тиклем тапшырырға кәрәк. Адресы: Өфө ҡалаһы, Зәки Вәлиди урамы,2. Бәйләнеш өсөн телефон - 8 (347) 276 55 00, Гөлдәр Илһам ҡыҙы Сабитоваға мөрәжәғәт итергә.
Конкурс эштәре 2020 йылдың 20 ноябренә тиклем ҡабул ителә. Уларҙы махсус комиссия тикшерәсәк.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж