Бөтә яңылыҡтар
Был донъяла ниҙәр бар?
8 Декабрь 2020, 17:56

Бөтә Рәсәй балалар ышаныс телефонына - 10 йыл

Бөтә Рәсәй балалар ышаныс телефонына 10 йыл эсендә 10 миллион 400 мең кеше мөрәжәғәт иткән.

Ауыр тормош шарттарында ҡалған балаларға ярҙам итеү фонды мәғлүмәттәренә ҡарағанда, шылтыратыуҙарҙың 56 проценты балалар һәм үҫмерҙәрҙән икән. Уларҙы күберәк тиҫтерҙәре менән мөнәсәбәттәр борсой, яңғыҙлыҡ, үҙ-үҙҙәрен таба алмауҙарына ҡағылышлы һорауҙар ҙа бар. Атай-әсәйҙәр мөрәжәғәттәре - 17 процент. Ҡалған 27 процентты олатай-өләсәйҙәр, уҡытыусылар, тәрбиәселәрҙән килгән шылтыратыуҙар тәшкил итә.
Бөтә Рәсәй берҙәм балалар ышаныс телефоны һандарын смартфонығыҙға яҙып ҡуйығыҙ, дуҫтар: 8-800-2000-122. Шылтыратыу бөтә телефондарҙан да бушлай һәм аноним. Йәғни кем икәнеңде белмәйәсәктәр, һинең телефон һандары яҙып алынмай, ә бына яҡшы консультация аласаҡһың, ышаныс телефонында махсус әҙерлек үткән психолог-консультанттар ултыра. Бер кемгә лә һөйләй алмаған, үҙегеҙ генә хәл итә алмаған мәсьәләләр борсой икән, икеләнеп тормағыҙ, шылтыратығыҙ.
Читайте нас в