Бөтә яңылыҡтар
Был донъяла ниҙәр бар?
20 Ғинуар 2021, 15:24

Рудольф Нуриев исемен йөрөтәсәк

Башҡортостан Республикаһының Мәҙәниәт министрлығынан хәбәр итеүҙәренсә, Башҡорт дәүләт опера һәм балет театрының балет труппаһына легендар сәнғәт оҫтаһы Рудольф Нуриев исеме бирелгән.

Был ваҡиға хөрмәтенә 26 ғинуарҙа театрҙа Адольф Адандың «Жизель» балеты күрһәтеләсәк. Рудольф Нуриев 1959 йылдың 12 декабрендә тәүге тапҡыр «Жизель» балетында Альберт ролен башҡара һәм тамашасыларҙың һөйөүен яулай.
Башҡорт дәүләт опера һәм балет театрының бөгөнгө балет труппаһы артистары башҡарыуындағы «Жизель» балетын 26 ғинуарҙа театрҙың YouTube-каналында һәм КУЛЬТУРА.РФ порталында ҡарарға мөмкин буласаҡ.
Читайте нас в