+20 °С
Облачно
Был донъяла ниҙәр бар?
19 Марта 2021, 11:03
Студенттар өсөн заманса кампустар төҙөләсәк
Рәсәй Президенты Владимир Путин 25 ғинуар - Студенттар көнөндә булған осрашыу һөҙөмтәләре буйынса 2020-2030 йылдарҙа илдә заманса университет кампустары төҙөү эшен алып барырға күрһәтмә биргән.
Кампустар төҙөү буйынса өс проект 2022 йылдың декабрендә тормошҡа ашырыла башлаясаҡ. Юғары уҡыу йорттарының ятаҡтарына капиталь ремонт яһау һәм булған объекттарҙы реконструкциялау күҙ уңында тотола.
2020-2030 йылдарҙа федераль юғары уҡыу йорттары өсөн дә ятаҡтар төҙөләсәк һәм булғандары төҙөкләндереләсәк.
Кампус – ул университет ҡаласығы, унда уҡыу кабинеттары, спорт залы, китапхана, конференц-залдар ҙа инә. Әйткәндәй, 2020 йылдың декабрендә Башҡортостанда Өфөнөң Дим районында Евразия ғилми-белем биреү үҙәге кампусы өсөн ер биләмәһе бүленеүе тураһында билдәле булғайны. Унда студенттар өсөн ятаҡ, ситтән саҡырылған белгестәр өсөн торлаҡ, лабораториялар, конференция залы, секциялар өсөн майҙан төҙөргә тейештәр.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
