+19 °С
Дождь
Был донъяла ниҙәр бар?
10 Апреля 2021, 14:31
Студенттар кампусы Ағиҙел ярында төҙөләсәк
Башҡортостанда Өфөнөң Дим районында Евразия ғилми-белем биреү үҙәге кампусы төҙөргә уйлайҙар ине. Әммә юғары уҡыу йорттары ректорҙары һәм республиканың Ҡалалар үҫеше институты эксперттары менән кәңәшләшкәс, кампус ҡала үҙәгенә һәм төп уҡыу корпустарына яҡын булырға тейеш, тигән ҡарарға киләләр. Был турала glavarb.ru сайтында хәбәр ителә.
Шулай итеп, студенттар өсөн кампус Ағиҙел йылғаһының көньяҡ яр битләүендә, элекке Киров исемендәге завод урынлашҡан ерҙәрҙә төҙөләсәк.
Бөгөн республика Башлығы Радий Хәбиров Хөкүмәт ағзалары һәм архитектор-планлаштырыусылар менән бергәләп уның урынлашыу проекты менән танышты. "Ағиҙел буйындағы был биләмә бик уңайлы урын, яҡында ғына бер юлы дүрт юғары уҡыу йорто – Башҡорт дәүләт, Өфө дәүләт авиация техник, Башҡорт дәүләт медицина һәм М. Аҡмулла исемендәге Башҡорт дәүләт педагогия университеттары урынлашҡан. Буш урында төҙөлөштө башларға ла була. Шулай итеп, бер юлы ике мәсьәләне хәл итәбеҙ – студенттар өсөн уҡыу һәм йәшәү корпустары булған ғилми ҡаласыҡ та төҙөйбөҙ, Ағиҙел буйының көньяҡ битләүен дә төҙөкләндерәбеҙ, матурлайбыҙ", - тине Радий Фәрит улы.
Фото: glavarb.ru сайтынан.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
