+10 °С
Облачно
Был донъяла ниҙәр бар?
12 Апреля 2021, 09:49
Аҡса тота беләһеңме?
Хәҙерге заманда аҡсаһыҙ бер аҙым да атлап булмай. Өҫтәүенә, коронавирус пандемияһы таралыу сәбәпле, ҡулаҡса йөрөтөү хәүефле, онлайн йәки банк картаһы менән түләгеҙ, тип иҫкәртеп кенә торалар.
Күптәр, бигерәк тә йәштәр, смартфон аша ғына иҫәпләшергә лә өйрәнде инде. Шулай ҙа аҡсалар онлайнға күсеү менән ҡыйынлыҡтарға осраусылар ҙа етерлек. Мәҫәлән, яңыраҡ республиканың бер төбәгенән уҡыусы бала әсәһенең банк картаһынан аҡсаһын урлатҡайны. Интернетта виртуаль уйын уйнағанда уның мәғлүмәттәрен яҙған булған. Бынан башҡа ла миҫалдар етерлек. Бөтә Рәсәй финанс грамоталығы аҙналығында аҡса менән эш итеү буйынса белемде арттырыу, йәғни банк картаһын ҡулланыу хәүефһеҙлеге, кредит алғанда хәүефһеҙ эш итеү алымдарын өйрәнеү, ғөмүмән, аҡсаны дөрөҫ тотона белеү, бизнеста финанс алымдары тураһында күп мәғлүмәт алырға мөмкин. Тура эфирҙар, онлайн-лекциялар, вебинарҙар үткәрелә.
Республика буйынса "Финанс грамоталығы көнө -2021" календары менән Рәсәй Федерацияһы Хөкүмәте ҡарамағындағы Финанс университетының Өфө филиалы сайтында fa.rufil/ufa/News/2021-03-19-01.aspx танышырға мөмкин.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
