Туған телдәр көнөндә

Осрашыуҙың программаһында Башҡортостандың халыҡ шағирҙары Рәшит Шәкүр, Ҡәҙим Аралбай, телсе-ғалим Фирҙәүес Хисаметдинованың, милли-мәҙәни үҙәк етәкселәренең, йәмәғәт эшмәкәрҙәренең ошо яҙыусыларҙың дуҫлығы һәм берлектәге ижади эшмәкәрлеге, әҫәрҙәрҙе Рәсәйҙең дәүләт телдәренә тәржемә итеү тураһында сығыштары ҡаралған. Йәкшәмбе мәктәптәре уҡыусылары туған телдә шиғырҙар уҡыясаҡ.

«Әҙәбиәттә туған тел бөйөклөгө» тип исемләнгән әҙәби осрашыу «Әҙәби гөлләмә» фестивален аса. Ә ул Башҡортостан Республикаһы халыҡтарының дәүләт һәм туған телдәрен һаҡлау, өйрәнеү һәм популярлаштырыу өсөн шарттар булдырыу маҡсатында йыл дауамында уҙғарыла.

Фестиваль программаһында тел, әҙәби байрамдарға бәйле, шулай уҡ шиғриәткә, яҙыусылыҡҡа ҡағылышлы иҫтәлекле даталар, мөһим әҙәби даталарҙы үҙ эсенә алған саралар бар. Шулай уҡ төбәк-ара һәм республика кимәлендәге конкурстар ойоштороу ҡаралған. «Әҙәби гөлләмә» фестивален ябыу тантанаһы 14 декабрҙә Башҡорт теле көнөндә уҙасаҡ.

Сығанаҡ һәм фото: bash.bashinform.ru