Унда математика, биологиа, химия, физика, информатика, география, астрономия, астрофизика һәм тәбиғи фәндәр буйынса халыҡ-ара олимпиада еңеүселәренең 109 наградаһы ҡуйылған. Улар араһында Башҡортостандан Республика инженер интернат-лицейының XI синыф уҡыусыһы, химия буйынса Менделеев һәм халыҡ-ара олимпиадалар еңеүсеһе Вадим Харисовтың да алтын миҙалдары бар.
- Беҙ һеҙҙең менән ғорурланабыҙ, һеҙ күп дәүләттәр араһында илебеҙ исеменән ҡатнашып, еңеү яуланығыҙ. Күп уҡыусылар өсөн өлгө булып тораһығыҙ, — тине Рәсәй Мәғариф министры Сергей Кравцов "Дан аллеяһы"н асыу тантанаһында.