Легендар замандашыбыҙҙы һуңғы юлға оҙатыу

Йыр, театр һәм кино сәнғәте оҫтаһы Фидан Ғафаровты тыуған ерендә Дүртөйлө районы Яңы Уртай ауылында ерләйәсәктәр.

Халыҡ яратҡан актёры менән хушлашырға ағыла ла ағыла. Театрҙа Фидан Ғафаров башҡарған йырҙар яңғырай. РСФСР-ҙың, Башҡортостан һәм Татарстан Республикаһының халыҡ артисы менән хушлашыу митингыһында Башҡортсотан Башлығы Радий Хәбиров, Бөтә донъя башҡорттары ҡоролтайының башҡарма комитеты рәйесе Юлдаш Йосопов, композитор Рим Хәсәнов, режиссер Рифҡәт Исрафилов, Мәжит Ғафури исеиендәге башҡорт академия драма театрының баш режиссеры Айрат Әбүшәхманов, Татарстандан актер Рауил Шәрәфиев, Фидан Ғафаровтың улы Азамат Ғафаров һәм Рәсәй мосолмандары Үҙәк Диниә назараты рәйесе Тәлғәт Тажетдин сығыш яһаны. 

Фидан Сафа улы үлгәндән һуң "Башҡортостан Республикаһы алдындағы ҡаҙаныштары өсөн" менән наградланды. 

Бәхил бул, халҡыбыҙҙың хөрмәтле шәхесе.