"Ҡолонсаҡ" фестивале бара

Унда Рәсәй Федерацияһынан һәм Бойондороҡһоҙ Дәүләттәр Берләшмәһе илдәренән профессиональ коллективтар ҡатнаша. Фестивалгә 2022 йылдан һуң сәхнәләштерелгән иң яҡшы 11 спектакль һайлап алынған.  

Программала классик драматургия, әҙәби әҫәрҙәр буйынса ҡуйылған спектаклдәр, хәҙерге заман авторҙары пьесалары буйынса, шулай уҡ кескәйҙәр өсөн дә тамашалар бар.

Фестиваль Башҡортостан Республикаһы Мәҙәниәт министрлығы ярҙамында уҙғарыла. Ойоштороусыһы - Мостай Кәрим исемендәге Милли йәштәр театры. Йәштәрҙә, балаларҙа театр сәнғәтенә ҡарата һөйөү тәрбиәләүҙә был сараның әһәмиәте ҙур булыр, моғайын. Өс йылға бер тапҡыр үткәреү планлаштырыла.

Тәүге фестивалдә беҙҙең Мәжит Ғафури исемендәге Башҡорт дәүләт академия драма театры - "Заятүләк менән Һыуһылыу", Мостай Кәрим исемендәге Милли йәштәр театры "Бер ғүмер етмәй икән" спектакле менән ҡатнаша.

Фестивалде конкурстан тыш "Аҡбуҙат" спектакле менән Мостай Кәрим исемендәге Милли йәштәр театры асып ебәрҙе. Ә Ҡазандан Ғабдулла Кәриев исемендәге йәш тамашасы театры алып килгән "Ҡурҡаҡ Батыр" спектаклен  Башҡортостан режиссеры Илсур Ҡаҙаҡбаев ҡуйған.

Фото:  com.

КОЛОНСАК | Международный театральный фестиваль