"Мәктәпкә йыйынырға ярҙам ит!"

Ике аҙна эсендә халыҡ 100 балаға ярҙам иткән, уларҙың 16-һы махсус хәрби операцияла ҡатнашыусылар ғаиләләренән.

Күп балалы йәки тулы булмаған ғаиләләргә, һаулыҡ яғынан мөмкинлектәре сикләнгән бала тәрбиәләүсе ата-әсәләргә ярҙам итеү маҡсатынан ойошторолған акция дауам итә. 

Теләге булған һәр кем республика район-ҡалаларында урынлашҡан «Ғаилә» үҙәктәре бүлектәренә кәнсә тауарҙары, дәфтәр, һүрәт төшөрөү кәрәк-яраҡтары, балалар ижады өсөн йыйылмалар килтерә ала. Улар яңы булырға тейеш. Портфель, мәктәп формаһы, дәреслектәр, нәфис әҙәбиәт яңы йәиһә яҡшы хәлдә булырға тейеш. 

Хәйриә акцияһын Башҡорт­остан Ғаилә, хеҙмәт һәм халыҡты социаль яҡлау министрлығы, «Ғаилә» республика ресурс үҙәге ойоштора. 

Фото: com.