Кескәйҙәр өсөн комикс

Ишембайҙа, мәғариф хеҙмәткәрҙәренең август кәңәшмәһе барышында, уның исем туйы уҙҙы һәм республикабыҙҙың балалар баҡсаларына таратылды. Комикс Башҡортостан Башлығы гранттары фонды ярҙамында сығарылған. Ул 8 сюжеттан тора. Төп геройҙары - кескәй Урал һәм уның дуҫы, тылсымлы ат Аҡбуҙат. Улар Башҡортостан буйлап сәйәхәт иткәндә төрлө мажараларға осрай, республикабыҙҙың тәбиғәте, халҡыбыҙҙың милли аштары менән таныша, ярҙамсыллыҡ, изгелек төшөнсәләрен үҙләштерә.
Проекттың авторы - "Аҡбуҙат" журналының баш мөхәррире Лариса Абдуллина.
Ирина Әхмәҙуллина - баш рәссам;
Майя Ҡәйүмова - биҙәүсе рәссам;
Рита Стеничкина - сценарий авторы;
Миңлегөл Тайсина - сценарий авторы;
Анатолий Корнеев - версткалаусы;
Люциә Дәүләтшина - бухгалтер.
Проекттың маҡсаты - Башҡортостандың мәҙәни һәм тәбиғи мираҫын балалар араһында популярлаштырыу, ғөрөф-ғәҙәттәргә һәм тирә‑яҡ мөхиткә һаҡсыл мөнәсәбәт формалаштырыу.
Кескәй милләттәштәребеҙ өсөн бик матур проект тормошҡа ашырылған. Афарин!

 

"Аҡбуҙат" журналы.