Һаман да иҫтә

- 1 сентябрь һәр ваҡытта күңелемдә мөһим урын алып тора. Әсәйем уҡытыусы булып эшләне. Шулай ҙа I синыфҡа барғанда уға, әсәй, мине ҡалдырып китмәйеңме, дәрестән һуң килеп алаһыңмы, тип борсолғаным хәтерҙә. Ғаиләлә иң кесеһе, иң иркәһе булғанғалыр инде.

Бик шаян, шуҡ инем. Ғаиләлә өс бала үҫтек. Әммә әсәйем ҡаты тота торғайны, ул ғүмер буйы башланғыс синыфтар уҡытыусыһы булып эшләне. Бар уҡытыусыларымды ҙур ихтирам менән иҫкә алам. Беҙ бит улар тураһында хатта ашамайҙарҙыр, тип уйлай торғайныҡ. Тыуған ерем Белорет районы Йөйәк мәктәбендә көслө тәрбиә бирҙеләр. Рәхмәтлемен.

Барлыҡ уҡыусыларҙы, уҡытыусыларҙы етеп килгән Белем көнө менән ҡотлайым. Беренсе булһындар. Тырышып уҡыһындар, белемле кеше хур булмай.