Изгелек ерҙә ятып ҡалмай

Мәҙәни сара филармония алдындағы майҙанда уҡ башланды. Ҙур күргәҙмә, милли биҙәүестәр, ризыҡтар һатыу ойошторолғайны. Ә һуңынан бергәләп хәйриә концерты ҡаранылар.

Әйткәндәй, был сараның маҡсаты махсус хәрби операцияла ҡатнашыусыларға ярҙам күрһәтеү ине. Хәйриә акцияһынан йыйылған аҡса шул ярҙамға тотоноласаҡ.

Шуныһы ҡыуаныслы: был көндө райондан махсус хәрби операцияла ҡатнашҡан яугирҙарҙың  балаларына “Йәншишмә”гә яҙылыу ҙа ойошторолдо.

 — Был изгелек акцияһына ҡушылғандары өсөн Башҡортостан Республикаһы Дәүләт Йыйылышы-Ҡоролтай депутаты Илнур Сәлиховҡа, яҡташтарым Минзәлә Баймырҙинаға, Вәлит Мөхәмәтовҡа, Фирүза Исҡужинаға, Фәниә һәм Мир Сынбулатовтарға, Лилиә Әхтәмоваға, Йомабикә Ильясоваға һәм Рәмилә Рәхимоваларға ҙур рәхмәт әйтәм, — ти “Йәншишмә” гәзитенең баш мөхәррире Мирсәйет Юнысов.

Изгелек ерҙә ятып ҡалмай. Махсус хәрби операцияла ҡатнашҡан яугирҙарға һәм уларҙың ғаиләләренә ярҙам күрһәтеү һәр саҡ мөһим.

 Фото: Хәйбулла районы башҡорттары ҠОРОЛТАЙЫ